CANDON CITY – Natakawan ti pagtaengan ti maysa a balikbayan iti kuarta ken alahasĀ a nakairamanan pay ti agassawa nga interior designers idi rabii ti Hulio 2.
Natakawan ni Prodencio Soliven, balikbayan manipud iti Los Angeles, California ken residente iti Barangay Paras iti $3,500, P37,000, ken alahas nga aggatad iti nasurok P100,000.
Nairaman met a natakaw ti P100,000 a kuarta ken selpon dagiti agassawa nga Aristotle ken Celestina Rivero, taga-Manila ken interior designers iti balay ti balikbayan.
Mapattapatta a simrek dagiti di pay nabigbig a mannanakaw iti masters bedroom ken iti kuarto dagiti bisita iti tengnga ti rabii.#