Balo, naaresto gapu iti gandat a panagrames

STA. MARIA, Ilocos Sur – Inaresto dagiti polis ditoy nga ili ti maysa nga akusado iti attempted rape iti korte ti Narvacan iti paggigianna sadiay Barangay Suso ditoy nga ili lidi Enero 12.

Naaresto ni Bernardo Cacho y Valencia, 59, balo, ken residente iti Barangay Nancayasan, Urdaneta City, Pangasinan ken agdama a residente iti Barangay Suso, babaen iti bileg ti warrant of arrest nga inyisio ni Judge Sicto Deompoc ti RTC Branch 72, Narvacan, Ilocos Sur, idi Disiembre 15, 2014.

Sumangsango ni Cacho iti kaso nga attempted rape a nai-docket iti babaen ti CC No. 3805-N.

Naammuan pay a nakonbiktar ti akusado iti acts of lasciviousness babaen met laeng iti nasao a kaso ket naipan iti provincial jail kas maibatay iti commitment order ni Judge Deompoc.#