Footer

Balo, nagtakaw 2 kahon a serbesa, natiliw

STA. CRUZ, Ilocos Sur – Akto a natiliw dagiti barangay tanod ti maysa a balo bayat ti panagtakawna iti serbesa iti tiendaan publiko ditoy idi bigat ti Hunio 12.

Tiniliw dagiti barangay tanod ni Gigilyn Maniego y Manantan, 47, balo, ken residente iti Barangay Ilocano Sur, San Fernando City, La Union, gapu iti panagtakawna iti dua a kahon ti Red Horse Beer iti Rhomars Mart a kukua ni Romeo Romano, 51, residente iti Poblacion Este, ditoy met laeng nga ili.

Nasiputan da Fidel Ragandap ken Juan Dulay agpada a barangay tanod ken residente iti Barangay Lalong, Sta. Cruz, ni Maniego a nangbagkat iti dua a kahon ti Red Horse Beer sana impan iti likud ti maysa a dyipni a nakaparking iti abagatan a laud ti public market.

Idi nagsubli ti suspek, sinitar dagiti dua ket idi awan ti maipakitana a resibo a ginatangna dagiti beer, pinakaammuanda ti akinkukua sada impan ti suspek iti police station.#