Balo, nalmes

CAOAYAN, Ilocos Sur – Bangkayen idi masarakan ti mapukpukaw a baket a mapapati a nalmes iti karayan iti Barangay Pantay Tamurong ditoy nga ili idi bigat ti Disiembre 28.

Iti report manipud iti polis ditoy, pimmanaw  ni Irene delos Santos y Quitasol, 86, balo, iti balayda iti nadakamat a barangay idi bigat ti Disiembre 27 ket saanen a nagsubli pay.

Binirbirok ti pamiliana ti baket agingga a nasarakan laengen ti anakna a ni Efren a bangkayen iti karayan idi bigat ti Disiembre 28..

Nagkitakit ti pamilia ti biktima a maautopsia daytoy agsipud ta patienda a natay iti pannakalmes.#