Balo, namalmalo

SANTIAGO, Ilocos Sur – Nagsagrap kadagiti dunor iti ulo ti maysa a balo gapu iti pannakamalona bayat ti panagawidna iti Barangay Gabao, ditoy nga ili idi rabii ti Enero 15.

Nagreport iti polis dagiti barangay officials ti nadakamat a barangay a nalabsanda nga awanan puot ken daradara ni Efren Elefante Galzote, 60, balo, mapapati nga adda diperensia ti panunotna, kalugaranda.

Mapapati nga aggawiden ti biktima idi minalmalo dagiti di pay nabigbig a suspek.

Naitaray ti biktima iti Candon City Hospital sa naiyalis iti Ilocos Regional Training and Medical Center iti San Fernando City.

Di pay ammo no ania ti motibo ti pannakamalmalo ti biktima.#