Footer

Balo, natiliwan a nagisakibot kadagiti panty

VIGAN CITY – Natiliwan ti maysa a balo a nagisakibot kadagiti panties idi ilibasna nga iruar iti maysa a pagtagilakuan ditoy.

Natiliw iti ikut ni Imelda Solpica, 31, balo, agnaed iti maysa a barangay iti La Trinidad, Benguet ti 55 a panties nga agpateg iti nasurok a P5,000 a panggepna nga ilibas iti Mart One ditoy siudad.

Nasukalan ti suspetsa idi nagwengweng ti detector idi rummuar koman iti pagtagilakuan.

Sinukimat dagiti guardia ti biktima ket dita a nasukalanda dagiti panties nga insakibot ti suspetsa.

Naipan ti suspetsa iti police station para iti pannakapalutpotna.#