VIGAN CITY – Nagiwaras ti Commission on Elections idi Abril 30 kadagiti opisial a balota a maaramat iti automated poll inton Mayo 10, 2010.
Naammuan ti Tawid News nga immun-una a naiwaras dagiti balota kadagiti upland municipalities tapno masigurado ti seguridad dagitoy iti pannakaidaliasatda.
Simmangpet iti daytoy nga aldaw ti 380,000 a balota ket iti sanguanan ti provincial capitol ti nakaiwarasanda kadagiti pannakabagi ti Comelec.
Adda naibaon a polis a kimmuyog kadagiti election officers iti panangiyawidda kadagiti balota iti ilida.#