CABUGAO, Ilocos Sur – Panggep ti gobierno probinsial ti mangipasdek iti bamboo propagation center iti BaRang-ay demo farm iti San Juan, Ilocos Sur.
Kinuna ni Vice Gov. Deogracias “DV” Savellano a maipasdek ti bamboo propagation center kas paset ti programa a maisaknap ti panangpaadu iti kawayan ken bayog iti probinsia.
Panggep ti gobierno probinsial a mangangay ti Department of Agriculture iti seminar a pakaawisan dagiti local government units tapno maiyadal no kasano ti agpaadu iti kawayan ken bayog.
Malaksid a makatulong ti panagmula iti kawayan ken bayog iti pannakalapped iti global warming, makaited pay iti livelihood kadagiti umili.#