Bamboo slicer naited iti bamboo craft association

SAN JUAN, Ilocos Sur – Inikkan ti Department of Trade and Industry Regional Office iti makina nga aramaten ti dua nga asosasion ditoy nga ili para iti proyektoda a livelihood.

Segun ken ni Mayor Benjamin Sarmiento, naikkan iti bamboo slicer ti San Juan Bamboo Craft Association nga aramatenda iti panagaramidda iti produktoda manipud iti kawayan. Dua a makina ti manamnama a maited iti nasao nga asosasion.

Sabalinto pay a makina ti ited ti DTI Regional Office iti Buri Weavers Association tapno adda met aramatenna iti panagaramid kadagiti produkto manipud iti buri wenno silag.

Agbalor dagiti makina iti P500,000.00, ipapaay ti DTI daytoy a benepisio para iti bamboo craft ken buri weavers associations ditoy nga ili a nakarehistro iti DOLE.#