Banaoang bridge, naidawat a di marebba

SAN FERNANDO CITY- Kinuna ti maysa nga inhiniero ti Department of Public Works ditoy a nupay nakaprograma a marebba  ti rangtay ti Banaoang apaman a malpas ti maipaspasdek a  sukatna a rangtay,  posible a saanen a maituloy gapu ta adda kiddaw ti gobierno probinsial a saandan a garawen.

Kinuna ni Engr. Reynaldo Ganuelas ti DPWH ditoy a nakiddaw iti opisinada a mapagtalinaed ti nasao a rangtay gapu iti kinapategna iti turismo.

Dua a dadakkel a rangtay ti narugian iti probinsia a mangsukat kadagiti rangtay iti Banaoang ken Tagudin, Ilocos Sur.

Kinunana ni Ganuelas a nagtaud ti pondo manipud iti sabali a pagilian ket ti central office ti mangiyimplimentar iti pannakaipatakderda.#