Footer

Bangka a pagkamat kadagiti agbongbong, nakiddaw

STO. DOMINGO, Ilocos Sur – Maysa a resolusion ti impasa ti sangguniang bayan ditoy para iti pannakapaadda iti motorized banca a maaramat para iti kampania maikontra iti panagbungbong.

Naiturong ti kiddaw ken ni Cong. Ronald Singson.

Segun ken ni SB Member Michael Figueras, chairman on agriculture, kasapulan ti motorized banca nga aramaten ti Bantay-Dagat patrol a pagkamat kadagiti mangngalap nga agisaysayangkat iti illegal a panagbongbong iti kabaybayan a sakup daytoy nga ili.#