Footer

Bangkay ti Indian national, nasarakan

AGOO, La Union – Maysa a bangkay ti Indian national ti naireport a nasarakan iti creek iti barangay Sta. Fe ditoy nga ili idi agarup alas 6:20 ti agsapa ti Oktubre 4.

Nabigbig ti bangkay a ni Sarbijit Singh, 23, residente iti Barangay Baccuit Norte, Bauang, La Union babaen ti kabagian ti biktima.

Naammuan iti inisial nga inbestigasion dagiti polis a nagsagaba ni Singh iti bagsol iti kanawan a barukongna a mapapati a puon ti nakatayanna.

Mapapati a sabali a lugar ti nakabagsolan ti biktima ket naibuntog laeng iti lugar a nakasarakan ti bangkayna.

Madama ti panagimbestiga dagiti polis mainaig iti nasao a pammagsol.#