Bangkay ti lakay, nasarakan a tumtumpaw

STA. CATALINA, Ilocos Sur – Maysa a bangkay ti ti lakay ti nasarakan a tumtumpaw iti karayan a sakup ti Barangay Cabittaogan ditoy nga ili.

Segun iti report, nasarakan ti maysa a mangngalap ti tumtumpaw a bangkay a mapattapatta nga agtawen iti 70 a mapapati a nalmes agsipud ta awan ti makita dagiti otoridad a sugat iti bagina.

Iti pannakaisurat daytoy, awan pay ti nangbigbig ti bangkay a naipan iti maysa a funeral homes iti siudad ti Vigan.#