Bangkay ti lalaki, naisadsad iti igid ti baybay

MAGSINGAL, Ilocos Sur – Bangkayen ti maysa a menor de edad idi nasarakan a naisadsad iti igid ti baybay ti Barangay Puro ditoy nga ili idi agsapa ti Oktubre 11.

Kas maibatay iti report, idi agarup 6:30 ti agsapa ti nadakamat a petsa, bayat ti kaadda ni Manuel Torricer y Pagud, 51, mangngalap, naasawaan, iti likudan ti balayda, nakitana ti maysa a lalaki a nakasadsad iti igid ti baybay nga idi agangay ket nabigbig a ni Charben Agsaulio Amaro, 14, agnaed iti Barangay Paoa, Vigan City ken mapapati a biktima ti pannakalmes.

Naireport ni Agsaulio a mapukpukaw idi pay la Oktubre 9.#