Bangkay ti lalaki, nasarakan a tumtumpaw iti baybay

SANTA, Ilocos Sur – Mapapati a ti pannakatnag ti biktima iti seawall ti Barangay Pasungol ditoy nga ili ti puon ti nakalmesanna.

Nasarakan ti bangkay ni Mario Corpuz y Advincula, 48, baro ken residente iti nadakamat a lugar, a tumtumpaw iti kabaybayan idi agsapa ti Disiembre 2.

Intaray dagiti nagresponde a polis ni Corpuz iti Central Ilocos Sur District Hospital ngem naideklara nga awanen ti biagna.

Mapapati a nakainom ti biktima idi sardam ti Disiembre 1 ket mapapati a napan nagpamunaw iti seawall ngem isu metten ti nakatnaganna a puon ti nakalmesanna.#