Bangkay ti lalaki, nasarakan iti kanal

SAN ILDEFONSO, Ilocos Sur – Bangkayen ti maysa a lalaki idi masarakanda a naipisok iti kanal a sakup ti Barangay Sagsagat ditoy nga ili idi Septiembre 20.

Segun iti report, naudi a nakita ni Adonis Tabag y Tabangcura, 31, naasawaan, residente iti San Sebastian, San Vicente, Ilocos Sur iti inuman iti rabii ti Septiembre 19 a kaduana dagiti katrabahuanna.

Mapapati a gapu iti pannakainomna, di nakontrol ti biktima ti motorsiklona ket naikanal a puon ti nakatayanna.#