Bangkay ti lalaki, nasarakan iti kanal

SANTIAGO, Ilocos Sur – Maysa a lalaki ti mapapati a naitapuak iti kanal bayat ti panagbisikletana nga aggawid idiay Barangay Ambucao, ditoy nga ili ket bangkayen a nabirokanda iti kabigatanna.

Segun iti report, nakita ti maysa a lumugar iti nasao a barangay ni Cresencio Eligio, Sr., residente iti Barangay Apatot, San Esteban, Ilocos Sur a nakailad iti kanal nga awanen ti biagna.

Mapapati a naitapuak ti biktima iti kanal ket naitupa ti rupa ti biktima iti bato a puon ti nakatayanna.

Segun iti report, napan imminom ti biktima iti maysa a tianggi nga addaan videoke ket rabiin idi aggawid a nagsakay iti bisikletana.#