Bangued mayor, imparipiripna isusukona iti polis

BANGUED, Abra – Kinuna ti pamilia ni Bangued Mayor Ryan Luna a saan a naglemmeng daytoy kalpasan a naiparuar ti warrant of arrest maikontra kenkuana gapu iti kaso ti pammapatay a mapapati a nakainbolbaranna idi kanikanem a tawen.

Kinuna pay ni Jendricks Luna ngaĀ  imparipirip ni Mayor Luna ti isusukona kadagiti otoridad tapno sanguenna ti kasona ngem saanda a kanunongan nga agkakabsat agsipud iti amakda nga agpeligro ti biagna no maibalud iti ilida.

Ngem kinuna ni Cordillera Police Regional Director Chief Supt. Benjamin Magalong nga impakaammodan iti Bureau of Immigration, Maritime Group ken Criminal Investigation and Detection Group, ken ti Airport Security Group iti kaadda ti naiyisio a warrant of arrestĀ  ken ni Luna ket manamnama ti pannakairuar iti hold-departure order maikontra iti mayor.

Mapapati nga adda pay laeng iti probinsia ditoy ti mayor.

Idi rabii ti Abril 29, napaay dagiti nagtitipon nga operatiba ti Mobile Group, Special Action Force ken ti Abra Provincial Police Office nga indauluan ni Provincial Director Benjamin Lusad a nangiserbi iti warrant of arrest ken ni Luna agsipud ta saanda a nadatngan daytoy iti balayna sadiay Dangdangla, Bangued.

Pinirmaan ni Judge Jaime L. Dojillo, Jr. ti Abra Regional Trial Court, Branch 2 ti nasao a warrant of arrest maikontra ken ni Luna kalpasan nga imbilin ti Department of Justice ti pannakairaman ni Mayor Luna kas co-accused iti pannakapapatay ni Brenda Crisologo, asawa ni Tineg Mayor Edwin Crisologo, bayat ti panagbilangan iti butos iti munisipalidad ti Tineg idi eleksion ti Mayo 2007 iti maikapat a kadsaaran ti Holy Spirit Academy.

Iti resolusion a pinirmaan ni Justice Undersecretary Francisco Baraan III, binaliktadna ti immun-una a findings ti DOJ a nangdismis iti complaint maikontra ken ni Luna gapu iti kaawan umdas nga ebidensia ket pinaboranna ti petision niĀ  Mayor Crisologo, Sr. a pannakairaman ni Luna iti kriminal a kaso a nakapending iti RTC Branch 2 iti Bangued kalpasan ti iluluttuad dagiti saksi a mapapati a nakakita ken ni Luna a nakipatpatang ken ni Brenda Crisologo sakbay ti pammaltog.

Karaman a naibilin a maaresto da dati a Tineg Mayor Pedro Benwaren, dagiti annakna a Lenin Benwaren kenĀ  Tony Benwaren, Henry Lee Tan, Robert Aliping kenĀ  Jonathan Libuen.

Maysa a saksi ti mapapati a nakakita ken ni Luna a nangitudo iti tirador ken ni Crisologo sakbay ti pammaltog sa pimmanaw iti pakaang-angayan ti canvassing of votes.

Maysa a Totoy Buyao, ti mapapati a nangpaltog ken ni Crisologo babaen ti cal. 45. Nagudas ni Buyao gapu iti pannakipinnaltogna kadagiti nagresponde nga immarayat a polis ken soldado.

Maysa a saksi ti nagkuna a nakitana ni Puyao a dimsaag manipud iti maysa a behikulo a mapapati a kukua ni Luna sakbay ti pammapatay.

Ngem binabalaw ketdi ti pamilia ni Luna ti pannakaitiempo ti pannakaiyisio ti nasao a warrant of arrest iti panagturposen ti kampania para iti masungad nga eleksion.

Segun iti pamilia ni Luna, ā€œpolitically motivatedā€ ti pannakalukat manen ti kaso ken tiempo tiĀ  pannakaiyisio ti warrant of arrest maikontra iti mayor.#