Footer

BANNER: Abusado a motorista, timmungpa, pimmaltog gapu iti riri ti trapiko

NARVACAN, Ilocos Sur – Saan laeng a timmungpa, pinaputokan pay daytoy suspek ti anak ti traffic light operator a nakasubangna gapu iti paglintegan iti trapiko.
Napasamak ti pammaltog iti national highway a sakup ti Barangay Quinarayan, Narvacan, partikular iti matar-tarimaan a rangtay iti nada-kamat a barangay idi agarup 10:10 ti rabii ti Nobiembre 17.
Nainaganan ti suspek a ni Mevrick Cacas, residente iti Barangay Margaay ditoy nga ili idinto a maysa a Guiller Cabinte y Vera, 35, naasawaan, ken residente iti Barangay Quinarayan, ti biktima.
Iti inisial a panagimbestiga ti polis, idi agarup 10:00 ti rabii ti nadakamat a petsa, madama ti panangimaton ni Ruben Cabinte y Rebaula, 66, iti trapiko idi simmardeng iti sangona ti motorsiklo a nag-luganan ni Cacas ket dimsaag daytoy sana tinungpa ti operator.
Mapapati nga inasut pay ni Cacas ti insabbikelna iti siketna a paltog sana pinaturongan ni Cabinete ken nagpaputok iti ngato.
Nangeg ni Guiller Cabinte, anak ti traffic light operator, ti kanalbuong ket rimmuar iti balayda a sumagmamano laeng a metro ti kaadayona ngem pinaputokan ni Cacas iti naminsan ngem dina natiruan.
Naglibas ni Cacas a nagpa-abagatan a nakalugan iti motor-siklona.
Nakarekobre dagiti nagres-ponde a polis naasawaan, ken residente iti Barangay Quinarayan iti kapsula mani-pud iti mapapati a caliber 9mm naasawaan, ken residente iti Barangay Quinarayan .
Nangiwayat dagiti polis iti pursuit operation ngem dida nasapulan ti suspek.
Iti naun-uneg a panagimbes-tiga dagiti polis, limtuad a nagsubang ti suspek ken ti traffic light operator idi rabii ti Nobiembre 16 agsipud iti mapapati a panangipapilit ni Cacas a sumrek iti baet a nalabaga ti traffic light. (Tawid News)