BANNER: Kampania kontra droga: 12 balay sinukisok ti kapolisan

BANTAY, Ilocos Sur – Sangapulo ket dua a balay dagiti masuspetsa a drug pushers ti sinukisok dagiti nagtitipon nga elemento ti kapolisan iti nagsasaganad a dua nga aldaw a search operations nga inwayatda iti Vigan City, San Juan, Cabugao ken Candon City.

Iti police search operations iti Vigan City a naiwayat amin idi Hulio 16, maysa a pagtaengan ti nasukalan nga adda nakalemmeng a tallo a paltog, masuspetsa a droga ken drug paraphernalia idinto a positibo ti panagsukisok ti kapolisan iti uppat pay a pagtaengan.

Iti pannakaisurat daytoy, maisagsagana ti kaso a maipila maikontra kada Hipolito Abarquez Paa, 44, naasawaan, Arnold Abarquez Paa, 41, naasawaan, ken ni Rheliza Oco y Parel, a.k.a. Rhea, 36, awanan asawa, agpapadada amin a residente iti Barangay San Julian Sur, Vigan City; Ricky Aleson, ken Glen Gallardo, agpada a residente iti Barangay 9 ditoy met laeng siudad.

Idi agarup 5:45 ti agsapa ti Hulio 16, naggiddan nga impakat dagiti nagtitipon nga elemento ti kapolisan a pakaibilangan ti PIB, ISPPSC, CIDG Ilocos Sur, RID, RIU1, PDEA ISSET1 ken Vigan City Police Station iti panagsukisok iti balay da Aleson ken Gallardo babaen ti bileg ti search warrant nga inyisio ni Judge Francisco A. Ante, Jr. ti MTCC, Vigan City.

Kas maibatay iti police blotter, nakakumpiska dagiti nagsukisok iti balay ni Aleson iti maysa a tea bag plastic sachet a naglaon iti dried marijuana leaves; 2 small heat sealed plastic sachets a naglaon iti mapapati a shabu; 10 marijuana rolling paper; 4 aluminium strip foil; maysa a disposable lighter; saggaysa a bala ti gauge 12, cal. 38, cal. 22 (magnum); ken cal. 22 (ordinary); ken maysa a cal. 22 rifle airgun.

Nakasukain met dagiti polis iti balay ni Gallardo iti dua a heat sealed transparent plastic sachet a nagkarga iti white crystalline substance; 10 transparent open plastic sachet a nagkarga iti mapapati a shabu residue; 7 improvised plastic straw totters; 20 disposable lighters; sumagmamano a plastic sachet a mausar para repacking; maysa nga improvised glass totter nga addaan residue; 7 improvised plastic straw totters; 27 improvised aluminium foil totter; 28) crumpled aluminium stripe foil; 7 aluminium foil stripe; 6 small rolled aluminium stripes; 2 getteng; maysa a cutter; 2 improvised stick clip; maysa a disposable syringe; maysa a cellular phone (myphone model) rio craze; 3 bala para gauge 12; ken 6 bala para cal.22 (ordinary).

Sinaksian dagiti barangay officials nga indauluan ni Barangay Captain Antonio Arcellana, Rexson Penaira ti DWRS ken Ruben Perlas ti DZVV Bombo Radio Vigan, DOJ representative ken Glenn Tupas ti Provincial Prosecutors Office, Vigan City kas pan-nakabagi ti DOJ ti panag-sukisok dagiti polis iti dua a pagtaengan.

Awan da Aleson ken ni Gallardo idi naiwayat ti panagsukisok iti balayda.

Nasapsapa ngem daytoy, idi agarup 5:10 ti bigat Hunio 16, sinukisok dagiti polis ti balay ni Rheliza Oco y Parel a masarakan iti Barangay San Julian Sur, ket nakasukainda iti dua nga small heat sealed plastic transparent sachet a nagkarga iti masuspetsa a shabu; maysa a plastic transparent sachet a nagkarga iti mapapati a shabu; nalukatan a plastic transparent sachet a naglaon iti suspected shabu residue; maysa nga improvised burner; 5 nga improvised plastic scooper; 2 nga improvised glass totter; ken assorted a drug paraphernalia.

Iti panagsukisok dagiti polis iti balay ni Arnold Abarquez Paa iti agarup 6:00 iti dayta met la a petsa, saan laeng a masuspetsa a droga ken paraphernalia ti nasukalanda iti balay daytoy no di pay tallo a paltog a pakaibilangan ti maysa a homemade shotgun, cal. 38 revolver, ken cal. 22 revolver ken uppat a granada.

Saan a nailanad iti report no adda lisensia dagiti paltog.

Karaman dagiti sabali pay a kinumpiska dagiti polis ti siam a heat sealed transparent plastic sachet a nagkarga iti mapapati a shabu; 4 improvised glass totter; 4 improvised plastic totter; 5 lighter; 5 getteng; magasin ti gauge 12; 14 bala para iti 12 gauge ; 5 bala para iti Caliber .38; 4 bala para iti caliber .22; 4 pieces hand gun holster; ken maysa a hair wig.

Iti agarup 5:55 ti malem ti Hunio 16, imet dagiti polis ti search warrant a pinirmaan ni Judge Francisco Ante, Jr., sinukisokda ti balay ni Hipolito Abarquez Paa a masarakan met laeng iti Barangay San Julian Sur ket nakumpiskada dagiti sumaganad: walo a plastic sachet a naglaon iti mapapati a shabu; 4 a bala para iti cal 45; 4) a bala para iti cal. 38; ken maysa a bala para iti cal 5.56 ammunition.

Naipan dagiti suspekm, agraman dagiti nakumpiska iti balay iti police station para iti dokumentasion ken disposision.

Pito pay a drug pushers ti natnag iti ima dagiti polis iti nagsasaruno a search operations nga inwayatda iti Cabugao, San Juan ken ditoy siudad idi Hunio 17.

Iti pannakaisurat daytoy, naipatuloden iti provincial prosecutor’s office ti kaso a panaglabsing iti RA 9165 maikontra kada Erick Castillo Azcueta, Melflor Vicente Baclig, ken Rommel Saliganan Basuil, agpapadada amin a residente iti Barangay Pug-os, Cabugao, Ilocos Sur; Frankie Ramos y Cirilo, residente iti Barangay Barbar ken Christopher Villaspir y Remolacio iti Barangay Solotsolot, San Juan, Ilocos Sur.

Manamnama a mapilaan met iti kaaspingna a kaso da Ian Francis Rabang y Gambito, 43, ken Samuel Ramos y Daus, 45, agpada a residente iti Barangay San Juan, Candon City.

Iti naggigiddan a search operations nga impakat dagiti nagtitipon nga elemento ti PIB, PDEA, PAIDSOTG, ISPPSC, CIDT Ilocos Sur, RID PRO 1, RIU 1, ken Cabugao MPS, nakasamsamda iti balay ni Erick Castillo Azcueta iti 8 nga elongated small heat sealed plastic sachet a nagkarga iti mapapati a shabu; ken maysa a dakkel a plastic sachet a nagkarga iti mapapati a shabu; ken maysa a Samsung Cellular Phone.

Iti met balay ni Melflor Vicente Baclig, nakasukainda iti transparent plastic canister a nagkarga iti maysa a heat sealed plastic sachet a naglaon iti mapapati a shabu; maysa a lighter; maysa nga improvised plastic scope; 3 a nalukatan a babassit a plastic sachet a nagkarga iti mapapati a shabu; ken 10 nga awan kargana a transparent plastic sachet; maysa a Tictac candy box a nagkarga iti 5 iti small heat sealed plastic sachet a nagkarga iti mapapati a shabu; maysa a Commando match box a naglaon iti 2 small heat sealed plastic sachet a nagkarga iti mapapati a shabu ken nakuppil nga aluminum foil; maysa a fiesta hand bag a nagkarga iti 78 live ammunitions ti 7.62 mm ken 9 live ammunitions para iti 5.56mm.

Kabayatanna, nakumpiska iti balay ni Rommel Saliganan Basuil ti 12 a babassit a plastic sacher a nagkarga iti mapapati a shabu; ken maysa a nangisit a lighter.

Sinaksian dagiti barangay officials nga indauluan ni Barangay Captain Arnold Yangat, Femarie Valdez, pannakabagi ti media ken Jason Villaluz, pannakabagi ti DOJ.

Iti panagsukisok nga inwayat dagiti polis iti Barangay Solotsolot, San Juan, Ilocos Sur, nakakumpiskada iti balay ni Frankie Ramos iti dua plastic heat sealed sachets iti kabinet iti living room ken maysa a peppermint box a naglaon iti 13 a plastic heat sealed sachets a nagkarga iti mapapati a shabu iti bedroom; ken P5,680.00 iti nadumaduma a denominasion a mapapati a proceeds iti panaglakuan iti illegal a droga iti putot ti pantalon ti suspek.

Iti balay ni Christopher Villaspir y Remolacio, nakaala dagiti nagsukisok iti 3 a plastic heat sealed sachets iti nakabitin short pants iti living room ken 5 a plastic heat sachets iti drawer iti uneg ti kuarto a nagkarga iti mapapati a shabu.
Iti met Candon City, nakasamsam dagiti polis iti balay ni Ian Francis Rabang y Gambito, 43, awanan asawa, kadagiti drug paraphernalia a pakaibilangan iti elongated foil, improvised water pipe, lighters, test tube, glass tube, improvised straw, plastic ken bamboo tooters, digital weighing scale, lighters, bamboo sealer, getting, bassit a martilio, 16 plastic sachets nga awan kargana; 15 a plastic straw; glass burner; 2 medium size heat sealed plastic sachet a nagkarga iti mapapati a shabu; maysa a MK2 fragmentation grenade; maysa a mentos plastic a nagkarga iti mapapati a shabu; ken dakkel a heat sealed sachet a nagkarga iti mapapati a shabu.

Iti panagsukisok iti balay ni Samuel Ramos, nakakumpiska met dagiti nagsukisok iti balay ni Samuel Ramos kadagiti drug paraphernalia kas iti improvised water pipe, pouch, 2 nga improvised needle, 7 lighters, improvised glass tubes, cigarette pipe, selpon a Samsung, maysa a heat sealed transparent plastic sachet a nagkarga iti mapapati a shabu; naluktan a plastic sachet a nagkarga iti mapapati a shabu residue; 4 nga elongated aluminum foils a mapapati nga addaan shabu residue; maysa a pakete ti sigarilio a nagkarga iti nagango a bulong ti marihuana; maysa a box ti bumbilia a naglaon iti plastic sachers a mapapati nga addaan shabu residue; ken maysa a plastic box a naglaon iti crumpled aluminum foils a mapapati nga adda an shabu residue.

Mapattapatta nga agdagsen ti naala a mapapati a shabu iti balay ni Rabang iti sumurok kumurang a 25 gramo idinto a sumurok kumurang a maysa a gramo laeng ti nasukainan dagiti polis balay ni Ramos.

Naipatuloden dagiti mapapati a droga iti PDEA RO1 para iti pannakaamirisda.#