BANNER NEWS: Cabugao, Grand Slam a Kasiglatan nga LGU

BANTAY, Ilocos Sur – Ti manen Cabugao ti nangiyalat iti pammadayaw a Kasiglatan a Lokal a Gobierno iti Maikawalo a Kannawidan Ylocos Festival iti programa a naangay iti Quirino Stadium idi malem ti Pebrero 4, 2015.

Iti panangawatna iti pammadayaw, inruknoy ni Mayor Edgardo S. Cobangbang, Jr. daytoy kadagiti kailianna, nangruna dagiti barangay officials gapu iti agtultuloy a kooperasion ken pannakikammayetda kadagiti programa ken gannuat ti lokal a gobierno nga idadauluanna ken iti agtultuloy a suporta ti gobierno probinsial nga idadauluan da Gov. Ryan Luis V. Singson ken ni Vice Gov. Deogracias Victor Savellano, kasta metten ken ni Diputado Ronald Singson iti Umuna a Distrito ti Ilocos Sur.

Iti pannakiuman kenkuana ti lokal a media, kinuna ni Cobangbang a namnamaenna a narigrigat ti kompetision iti sumaruno a tawen agsipud ta β€œkabaelan” amin a lokal a gobierno ti mangabak.

Kinuna pay ni Cobangbang a dakkel a pagnam-ayan ti probinsia ti ipaay daytoy β€œhealthy competition” a pakipartisiparan dagiti LGU.

Daytoy ti maikatlo a beses a nagun-od ti Cabugao ti Kasiglatan Awards a nangrugi idi 2012. Kas Kasiglatan nga LGU, immawat ti Cabugao iti P150,000.00 cash.

Inyawid met ti Sta. Cruz nga idadauluan ni Mayor Teresita Valle ti maikadua a Kasiglatan nga LGU iti 2014 ken P100,000.00 a gunggona idinto a nagtabla a Maikatlo a Kasiglatan ti Bantay nga idadauluan ni Mayor Sammy Parilla ken ti Cervantes nga iturayan ni Mayor Benjamin Maggay ket nagbingayanda ti P75,000.00 a gunggona.

Iti panangiyalatna iti daytoy prestihioso a pammadayaw, 43 ti pakabuklan nga entries ti ili a Cabugao iti nadumaduma a kategoria ket 23 kadagitoy ti nangabak iti umuna a gunggona, 7 iti 1st runner-up, 8 iti 2nd runner-up ken tallo iti consolation prizes.

Dagiti sumaganad dagiti inubon ti Cabugao a gunggona iti Siglat Awards:

Champion: Most Healthy Barangay – Brgy. Carusipan; Best in Solid Waste Management – Brgy. Bonifacio; Best in Coastal Resource Management – Brgy. Dardarat; Best in Agricultural Productivity – Brgy. Turod Patac; Best in Fish Production & Aqua-Culture Development – Brgy. Dardarat; Outstanding Sangguniang Barangay – Brgy. Pug-os; Outstanding Punong Barangay – Brgy. Pug-os; Best in Barangay Tree Park – Brgy. Lipit; Best in Gender and Development – Brgy. Pug-os; Best in Fish Production & Aqua Culture Development – Brgy. Dardarat; Outstanding Barangay Based Cooperative – Brgy. Sagayaden; Outstanding Farmers Association – Brgy. Bungro; Most Outstanding Bantay Dagat – Brgy. Dardarat; Outstanding 4-H Club – Brgy. Bonifacio; Outstanding Lupong Tagapamayapa – Brgy. Pug-os; Best in Youth Development Program – Brgy. Bonifacio; Outstanding Barangay Secretary – Brgy. Pug-os; Most Functional BADAC – Brgy. Aragan; Best in PWD Program Implementation – Brgy. Daclapan; Best in Barangay Intensive Gardening – Brgy. Pug-os; Best in Tourism Promotion – Brgy. Sabang; Most Child Friendly Barangay – Brgy. Bonifacio; Best in Livestock Production – Brgy. Baclig.

1st Runner-up: Best in Nutrition Program – Brgy. Pug-os; Best in Barangay Herbary – Brgy. Pug-os; Outstanding Barangay Tanod – Brgy. Turod; Best in Sports and Physical Development – Brgy. Bonifacio; Outstanding Fishermen Association- Brgy. Namruangan; Outstanding BHW – Brgy. Carusipan; Best Performing Barangay – Brgy. Dardarat.

2nd Runner-up: Safest and Most Peaceful Barangay – Brgy. Nagsantaan; Most Functional BDRRMC- Brgy. Pug-os; Most Functional Botikang Barangay-Brgy. Carusipan; Best in Elderly Welfare Program-Brgy. Bonifacio; Outstanding BNS – Brgy. Cacadiran; Outstanding RIC-Brgy. Nagsantaan; Outstanding Barangay Based Micro MSE-Brgy. Cuancabal; Best in Culture and Arts-Brgy. Cacadiran.
Consolation Prizes: Cleanest and Greenest Barangay –Brgy. Quezon; Best Day Care Center-Bry. Salomague; Oustanding DCW-Brgy. Salomague.#