BANNER NEWS: Polis a nakasamsaman paltog, droga iti entrapment operation, sumango iti kaso

BANTAY, Ilocos Sur – Sumango iti dua a kaso ti polisĀ  a nakaipakatan ti entrapment operation idi Hulio 26 ken nakasamsaman dagiti padana a polis iti paltog ken droga, daytoy ti naammuan manipud iti spokesman ti Provincial Police Office.

Kinuna ni Police Superintendent Marlo Castillo a naipilan dagiti kaso maikontra ken ni PO1 Jefferson Estilloso Javier, PNP member iti Bantay Municipal Police Station, a pakaibilangan ti panaglabsing iti Comprehensive Dangerous Drugs Act of 2002 wenno RA 9165 ken Republic Act 8294 wenno illegal possession of firearm iti opisina ti provincial prosecutor iti Vigan City

Iti agdama ket nakakustodia ni Javier iti Police Provincial Office.

Kanaig daytoy, dinayaw ni Castillo dagiti polis-Bantay gapu ta saanda a naggudeng a nangipatungpal iti linteg iti baet a kapadada a polis ti suspek.

ā€œIti panangtiliwda ken ni Javier, impakita dagiti polis-Bantay a ā€œthey are serious enough in cleansing their ranks,ā€ kinuna ni Castillo.

Nanabtuog ni JavierĀ  itiĀ  ima ti nagtitipon nga elemento tiĀ  SAIDSOTG ti Bantay Municipal Police Station, PDEAISSET nga indauluan ni ni Police Senior Inspector Andrew Rabang babaen ti koordinasion ti PDEA PRO1 a nangisayangkat iti entrapment operation maikontra ken ni Javier iti Zone 6, Bantay, Ilocos Sur a nagresulta iti pannakasamsam iti ikutna dagiti mapapati a droga, kuartaĀ  ken paltog.

Sakbay ti entrapment operation, nakaawat dagiti polis-Bantay iti impormasion manipud iti maysa a civilian asset nga agideliber ni Javier iti illegal a droga iti Bantay Arcade partikular iti parking area iti Zone 6.

Dagus a nagresponde dagiti intelligence operatives ti Bantay MPS iti panangidaulo ni Rabang ket nagpuestoda iti lugar a mawanawananda ti civilian asset.

Madamdama, simmangpet ni Javier ket apaman a nakadissaag iti inarkilana a traysikel, nagsenias ti civilian asset ket dagus nga immasideg dagiti operatiba sada kinumpiska iti ikut ti suspek ti brown belt bag a nagmarka iti Samson a naglaon kadagiti sumaganad: 4 a pedaso ti aluminum foil a mapapati nga addaan residue ti shabu, maysa a plastic sachet a nagkarga iti napagango a bulong ti marihuana nga addaan iti fruiting tops, maysa a getteng, maysa a charge yellow chord, maysa a USB, maysa a replica gun toy, 4 a tulbek, maysa a black Nokia cellular phone, maysa a tulbek nga addaan pink a key chain, maysa a wallet color brown a naglaon iti PNP ID and dadduma pay nga ID, Philippine money iti nadumaduma a denominasion nga agdagup iti P8,044.00; 2 P1,000.00 bill, 4 a sag-P50.00,Ā  maysa a P20.00 ken nadumaduma a sensilio; ken foreignĀ  currencies nga 11 U.S dollar, 2 a $5, maysa a $10 maysa a $20, 3 a 10 euro currency, ken maysa a 2 Singapore dollar bill.

Nakasamsam pay dagiti polis iti ikut ni Javier iti maysa a cal 38 revolver homemade paltik with markings colt special made in USA nga addaan serial number 222556 ken 12 live ammos para iti cal .38

No makonbiktar ni Javier iti kasona, maikkat la ketdi aglalo ket serioso ti PNP chief a mangdalus iti PNP kadagiti polis a nainbolbar iti kakastoy a kaso, kinuna ni Castillo.#