Footer

BANNER: Trabaho iti gobierno, nasuspende iti Dis. 26, 2017, Enero 2, 2018

Tapno maikkan dagiti empleado iti gobierno iti naan-anay a gundaway a mangselebrar iti Paskua ken Baro a Tawen iti denna dagiti pamilia ken patpatgenda, sinuspende ti Malakaniang ti trabaho iti gobierno iti Disiembre 26, 2017 ken Enero 2018.

Kas maibatay iti Memorandum Circular No. 37 a pinirmaan ni Executive Secretary Salvador Medialdea, babaen ti otoridad ni Presidente Rodrigo Duterte, nasuspende ti trabaho iti gobierno iti Disiembre 26, 2017 ken Enero 2, 2018.

“Kanayon iti Proclamation Nos. 5 (s. 2016) ken 269 (s. 20170 nga inyisio ti Presidente a nangideklara iti Disiembre 25, 2017 (Aldaw ti Paskua) ken enero 1, 2018 (Aldaw ti Baro a Tawen) kas regular a holidays, ken tapno maikkan dagiti empleado ti gobierno iti naan-anay nga oportunidad a mangselebrar iti holidays iti denna dagiti pamilia ken ipatpategda, pakairamanan dagiti korporasion a kukua ken adda iti kontrol ti gobierno, government financial institutions, state universities and colleges, local government units, ken dadduma nga ahensia ken instrumentalidad, nasuspenso ti trabaho iti gobierno iti Disiembre 26, 2017 ken Enero 1, 2018,” paset a naipalaon iti memorandum.

Nupay kasta, linaon ti memorandum a dagiti ahensa a nainbolbar ti annongenda iti pannakaipaay iti basic ken serbisio ti salun-at, panagsagana/panagresponde kadagiti didigra ken kalamidad, ken/wenno iti panangannong kadagiti sabali a napateg a serbisio ket agtultuloy dagiti operasionda ken pannakaited dagiti kasapulan a serbisio.

Kinuna pay ti memorandum nga adda iti diskresion dagiti pangulo ken mangimaton ti suspension iti trabaho kadagiti dadduma a sanga ti gobierno ken dagiti independiente a komision wenno bagi, kasta met kadagiti pribado a kompania ken op-opisina kadagiti nasao a petsa. (Tawid News)