Bantay Kabuhayan sa Caoayan, nairusat

CAOAYAN, Ilocos Sur – Nailunsad itay nabiit iti programa a mangipaay iti pamastrekan kadagiti residente ditoy.

Pormal a nairusat ti Bantay Kabuhayan sa Caoayan, maysa a programa ti livelihood tapno adda kanayonan a pamastrekan dagiti nagannak ditoy nga ili.

Naammuan a naigannuat a naisuro ti beaded abel iluko making tapno adda pakaasikasuanda, imbes nga agtuttotda laeng bayat ti panagbantayda kadagiti annakda nga agbasbasa iti Day Care Center.

Kinuna ti information officer ditoy nga ili a suportaran ti lokal a gobierno daytoy nga ili daytoy a programa aglalo iti pannakailako dagiti malpas a produkto.

Manamnama a babaen daytoy a programa, maidur-as pay ti panagabel ditoy nga ili.#