Barangay bagsakan, naipasdek

CABUGAO, Ilocos Sur – Naipasdek ti bagsakan iti Barangay Sabang ken Salomague ditoy nga ili itay nabiit.

Proyekto ti Department of Agriculture ken babaen ti pannakitinnulong ti gobierno munisipal ditoy ti nasao a bagsakan a  naipasdek tapno adda madadaan a pagibuntogan dagiti mannalon ken mangngalap iti dua a barangay kadagiti apit ken makalapanda.

Adda naited kadagiti dua a barangay a saggayasada a mini cold storage.#