VIGAN CITY – Napalagipan dagiti kabarbaro a barangay captains a dida agikkat kadagiti barangay health workers, nutrition scholars ken day care workers.
Maibatay daytoy iti Memorandum Circular No. 2010-147 nga agtuloy dagitoy nga agserbi gapu ta nagsanayda kadagiti trainings nga insayangkat ti nasional ken lokal a gobierno ken naaddaanda iti umdas a padas ken kabaelan para iti ipaayda a serbisio.
Kapaliiwan a kayat nga iselsel dagiti barangay captain dagiti kabagian wenno kakaduana a mangsukat kadagiti BHW, BNS ken day care workers.
Dagiti met dadduma a barangay captain, kayatda nga ikkaten dagiti BHW, BNS ken day care workers gapu ta saan a simmuporta dagitoy kadakuada iti napalabas nga eleksion.#