Barangay Captain, simmuko iti polis

TAGUDIN, Ilocos Sur – Boluntario a simmuko iti polis ti maysa a barangay captain a sumangsango iti kaso iti regional trial court ditoy nga ili idi malem ti Hunio 17.

Adda naiparuar a search warrant maikontra ken ni  Barangay Captain Romeo Aguilar y Daoa, 52, naasawaan, ken residente iti Barangay Baracbac gapu iti panagsalungasingna iti RA 9262.

Nai-docket ti kaso iti babaen ti Criminal Case No. 1347-T agingga iti 1349-T iti sala ni Judge Mario Anacleto Bañez ti RTC Branch 25, Tagudin.

Naruk-atan ni Aguilar kalpasan ti panagpiansana iti P80,000.00 para iti temporario a wayawayana.#