Barangay Dardarat, naidaydayaw

CABUGAO, Ilocos Sur – Dinayaw ni Gov. Ryan Singson ti Barangay Dardarat ditoy nga ili gapu iti nasayaat a pannakaimaton dagitiĀ  proyekto a naited iti barangay babaen ti panangidaulo ni Barangay Captain Danny Garcia.

Impeksa daytoy ni Singson idiĀ  nailunsad idi Agosto 6 ti community based hatchery iti Barangay Dardarat a dinar-ayan ni BFAR Regional Director Nestor Domenden, Assistant Regional Director Rosario Segundina P. Gaerlan, Provincial Agriculture Officer Teofilo Quintal, municipal officials ti Cabugao nga indauluan niĀ  Vice Mayor Deogracias Jose Savellano ken dagiti gunglo dagiti mangngalap.

Dinayaw ti gobernador ti napintas a panangmanehar da Garcia ken dagiti kalugaranna kadagiti proyekto a mait-ited kadakuada isu a masansan a mapili ti barangay no adda dagiti programa nga irusat ti BFAR ken ti Department of Agriculture.

Nagyaman met ni Savellano, nangibagi ken ni Mayor Edgardo S. Cobangbang, Jr. gapu kadagiti proyekto a mait-ited iti Barangay Dardarat.

Prioridad a programa ni Mayor Cobangbang ti pannakaitag-ay ti panagbiag dagiti mannalon ken mangngalap iti ili.#