Barangay kagawad, dinanog ti chief tanod

STA. LUCIA, Ilocos Sur – Gapu iti panangbusina ti maysa a barangay kagawad, dinanog ken pinangtaan ti maysa a chief tanod.

Iti report manipud iti polis ditoy, dinanog ken pinangtaan ni Amor Medinilla, chief tanod ti Barangay Burgos ditoy nga ili ni Ferdinand Hafalla, kagawad ti Nagrebcan, ditoy met laeng nga ili a nakablak-ayan ti naud-udi.

Mapapati a nagbusina ti biktima a nakalugan iti traysikel idi malabsanna ti chief tanod ket sabali ti nagawatan daytoy a puon ti nangkamatanna ken ni Hafalla sana dinisnog iti namindua.

Mapapati a pinaturongan pay ni Medinilla iti paltog ti kagawad sana pinangtaan.#