CABUGAO, Ilocos Sur – Nagsatan iti anges ni Barangay Kagawad Jessie Sesuca, 72, residente ti Barangay Salomague ditoy iti ospital a nakaitarayanna kalpasan a tinambang ti dua a di nabigbig a lallaki iti Barangay Turod itay lawasna.
Cal. 45 ti mapapati nga armas a naaramat maibasar iti maysa a kapsula a naala dagiti polis iti nakapasamaken ti krimen.
Agturong ti biktima iti ili idi linabsan ti dua a lallaki a nakalugan iti motorsiklo ket maysa kadakuada ti nangpaltog kenkuana.
Di pay ammo no ania ti motibo iti pammapatay.#
