Footer

Barangay kagawad, naaksidente, natay

VIGAN CITY – Pimmusay iti ospital a nakaitarayanna ti dati a barangay captain ngem agdama a kagawad iti barangayda gapu iti pannakaikras ti naglugananna a motorsiklo.

Natay ni Barangay Kagawad Simeon Anicas, 50, iti ospital gapu iti pannakaitupa ti ulona iti kalsada kalpasan a naigalis ti naglugananna a motorsiklo iti kalsada ti Barangay Pagburnayan ditoy siudad iti agarup alas 3:50 iti malem ti Martes.

Nabutosan ni Anicas a kas barangay kagawad iti naudi nga eleksion ti barangay kalpasan a naturposna ti maikatlo a terminona a kas kapitan ti barangay ti Nagsangalan ditoy a siudad.#