Barangay kagawad, natagbat

SAN JUAN, Ilocos Sur – Mapapati a dati a susik ti nakatagbatan ti maysa a barangay tanod sadiay Barangay Guimod idi rabii ti Mayo 2.

Nainagan ti biktima a ni Eliseo Pascua y Calasiete, 59, naasawaan, barangay kagawad, idinto a maysa a Salvador de la Cruz y Bautista, 58, baro, ti nangtagbat kenkuana.

Iti panagimbestiga dagiti polis, aggiinom da Pascua ken di nainaganan a kakaduana iti balay ni Mary Jane Nuñez idi simrek iti paraangan ni De la Cruz sa kellaat a tinagbatna iti namitlo ti kagawad.

Naitaray ni Pascua iti Magsingal District Hospital idinto a simmuko ti suspek ken ni Michael Matias y Rojas, chief tanod.

Saan a narekobre ti inaramat ti suspek a nangtagbat iti biktima.#