Barangay kagawad, natiliw iti buy bust operation

SAN JUAN, Ilocos Sur – Maysa a barangay kagawad ti inaresto dagiti polis bayat ti insayangkatda a buy-bust operation iti uneg ti tiendaan publiko iti Barangay Bannuar ditoy nga ili idi malem ti Nobiembre 5.

Nakakumpiska dagiti polis manipud ken ni Barangay Kagawad Benedick Villa y Vagay, 30, naasawaan, tricycle driver, ken residente iti Barangay San Isidro, ditoy nga ili iti maysa a Nokia cellphone, 3 a P500.00, 6 a P20.00, posporo, lighter, 13 a P1.00 ken 2 plastic sachet a mapapati a nagkarga iti shabu nga agdagsen iti 2 grams.

Naipan ti suspek agraman dagiti nakumpiska kenkuana iti police station para iti naan-anay a disposision.#