Barangay Power Associations, pinadayawan ti ISECO

SANTIAGO, Ilocos Sur – Sumagmamano a barangay power associations ti pinadayawan ti kooperatiba ti elektrika ditoy itay nabiit gapu iti nasayud a panangmaneharda iti gatgatangenda a koriente.

Inyawat da Ilocos Sur Electric Cooperative General Manager Cesar G. Gironella  dagiti pammadayaw bayat ti  naisayangkat a maika-29 nga Annual General Membership Assembly iti main office ti Ilocos Sur Electric Cooperative ditoy itay Disiembre 8.

Nagsapata met iti daytoy nga aldaw iti sanguanan ni Gov. Deogracias Victor “DV” Savellano dagiti kabarbaro a nabutosan a board of directors a pakairamanan da  Board Director Cirilo Parra (Distirct III), Amor Dasalla (District VIII), ken Rodolfo Gaburno(District IX).

Naikkan iti pammadayaw dagiti sumaganad:

Best BAPA, 2006 (Large Category): 1st – BAPA  Butir I, II, Nagbayugan ken Manugac, Sta. Maria; 2nd – BAPA Parparia 1-B, 1-2 and 1, Narvacan; (Medium Category): 1st, BAPA BAP)ACallaguip East, West Cabugao; 2nd – BAPA Pagsanaan Sur I, Magsingal; 3rd – BAPA Ambalayat II, Tagudin; (Small Category): 1st – BAPA Sao, Suyo; 2nd – BAPA Camarao North I-B, Narvacan; 3rd – BAPA Mata Marozo II, Narvacan;

Most Improved BAPA per Sub-Office: 1.    San Juan Sub – Office – BAPA Caellayan III, Cabugao; 2.    Vigan Sub-Office – BAPA Busiing Sur/Centro, San Ildefonso; 3. Narvacan Sub – Office – BAPA Mata Marozo II, Narvacan; 4. Candon Sub-Office – BAPA Abay, Galimuyod; 5. Sta. Cruz Sub-Office – BAPA Alilem East.

Karaman met a naikkan iti consolation prizes dagiti 29 a BAPA a naggapu kadagiti nadumaduma a miyembro iti umuna ken maikadua a distrito.

Napadayawan met dagiti prompt payer municipalities a pakairamanan ti Alilem, Banayoyo, Burgoz, Cabugao, Candon City, Caoayan, Cervantes, Galimuyod, Magsingal, Nagbukel, Quirino, San Esteban, San Ildefonso, San Juan, Santiago, Sinait, Sta. Cruz, Sta. Maria, Sto. Domingo, ken Suyo.

Ti tema ti general assembly: “Sustain cooperation and participation of member-consumers through improve quality service”.#