SINAIT, Ilocos Sur – Natalna ti naangay a barangay ken SK elections ditoy nga ili, segun ken ni Chief of Police Police Inspector Alexander Aurelio.
Kinuna ni Aurelio nga awan ti napasamak nga adda pakainaiganna iti eleksion iti panagrekorida ti agdagup iti 30 a kameng ti kapolisan ditoy kadagiti pagadalan elementaria ken 44 a barangay.
Kinunana a nainget ti pannakaipatungpal ti liquor ban iti kaaldawan ti panagpipili ken ti gun ban ngaagngudo inton Nov.15.
Dinayaw ti hepe ti pannakikinnammayet dagiti barangay tanod iti pannakasaluad iti linak ken talna iti kada barangay iti kaaldawan ti eleksion.#
