Barangay tanod, nabagsol, natay

VIGAN CITY – Saanen a naidanon ti biag ti maysa a barangay tanod kalpasan a nabagsol iti maysa a paginuman iti Barangay 8 idi Marso 18.

Pimmusay iti ospital ni Marlou Alcain, 59, maigapu iti panangbagsol kenkuana ni Chester Macapagal, 33, a nagramut iti mapapati a panangsitar ti tanod kadakuada iti maysa a paginuman ditoy siudad gapu ta nabartekdan.

Segun iti report, bayat ti panagronda dagiti tanod, nasalamaanda ti suspek ken kaduana a mapapati a nabartek iti maysa a paginuman.

Mapapati a nakarurod ti suspek idi binagaan ti chief tanod ket nagibuong iti botelia a nagtungpal iti panagdinnanogda.

Mapapati a napan innala ti suspek ti kutsiliona iti motorsiklona ket binagbagsolnan ti biktima iti sumagmamano a daras a puon ti nakatayanna.

Naglibas ti suspek kalpasan ti pammagkong.#