Footer

Barangay tanod, natinnag iti motorsiklo, naiyospital

SANTIAGO, Ilocos Sur –  Natinnag ti maysa a barangay tanod manipud iti motorsiklo gapu iti pannakasisirap ti nangilugan kenkuana iti nalawag a silaw ti kasabatda a lugan idiay  Caburao, Santiago, Ilocos Sur.

Naitaray iti ospital ni   Orlando Escalona, 43,  tanod iti Barangay Butol iti daytoy nga ili gapu iti sugatna maigapu iti pannakatinnagna iti motorsiklo.

Segun iti inbestigasion dagiti polis, nakisakay ni Escalona iti  Honda TMX 155 a minaneho ni Romulo Gallebo, barangay captain ti Butol, Santiago, Ilocos Sur ngem nasisirap ti kapitan iti silaw ti nakasabatda a lugan ket nagpreno a nakatinnagan ti tanod.#