Barangay tanod, pimmaltog

NARVACAN, Ilocos Sur – Susik ti nagramutan iti pammaltog iti Barangay Margaay ditoy nga ili idi Disiembre 18  a nakasugatan ti maysa.

Pinaltogan ni Nestor Castillo Navasca, 50, naasawaan, barangay tanod, residente iti nadakamat a barangay, ni Larry Boy Retagle y Ponce, 25, naasawaan, kalugaran met laeng ti suspek.

Segun iti police report, magmagna ni Castillo iti barangay road idi dandani nadungpar ni Retagle a nakamotorsiklo. Nagsubang dagiti dua ket dinisnog ni Retagle ti rupa ni Castillo sa naggawid.

Simmurot ti suspek nga adda iggemna a homemade gauge 12 buckshot ket pinaltoganna ni Castillo a nakapuntaan iti makannawan a saka daytoy.

Naglibas ti suspek kalpasan ti pammaltog.#