Barbarangay agmula iti 25,000 kayo

VIGAN CITY – Kas panagtungpal iti pammilin ti Department of Interior and Local Government, napalagipan dagiti barangay captain ti panagmulada iti kayo ita a bulan.

Maysa a memorandum circular manipud iti DILG ti naipatulod kadagiti amin a barangay ditoy pagilian mainaig iti panangisayangkatda iti sapasap a panagmula iti kayo kas paset ti greening program daytoy nga ahensia ti gobierno.

Proyekto ti DILG ti sapasap a panagmula amin a barangay ditoy pagilian iti 25,000 kas paset ti greening program daytoy nga ahensia.

Uray ti Philppine National  Police ket adda proyektona a panagmula dagiti personnel iti kayo kas pannakikammayetda it gannuat para iti pannakalapped iti climate change.#