Barbarangay ti Caoayan, sinerbian ti Saranay

CAOAYAN, Ilocos Sur – Pito a barangay ditoy nga ili ti sinerbian ti gobierno probinsial iti panangidaulo ni Gov. Deogracias Victor “DV” Savellano ken pannakikammayyet ti gobierno munisipal ditoy babaen ken ni Mayor Mario Tugade babaen ti programa a SAlun-at ken Rang-ay ti away AYuda ti panagkaykaysa (SARANAY) a naangay iti Barangay Nansuagao ditoy idi Abril 16.

Malaksid ti Barangay Nansuagao, karaman a naserbian iti libre a medical ken dental mission ken seminar ti Barangay Puro, Villamar, Anonang Mayor, Anonang Menor, Naguilian ken Tamurong.

Nawarasan pay dagiti senior citizens iti sarukod.

Kinatinnulong ti provincial government ti Global Care Mission ken Citizens Involvement Services itoy serbisio medical.#