Barito, nabagsol

NARVACAN, Ilocos Sur – Maysa a barito ti nabagsol bayat ti kaaddana iti dalanna nga aggawid manipud iti maysa a pasken iti Barangay Casilagan ditoy.

Segun iti report, timmabuno ni Mark (parbo a nagan ta menor de edad), 17, iti kasangay ti kasinsinna, kaduana ti barkadana a ni Ryan Tejada idi Oktubre 20 ket idi aggawiden dagitoy, simmaruno ni Douglas (parbo a nagan ta menor de edad), 17, residente met laeng iti Barangay Casilagan, ket mapapati a ti kadua ti biktima ti bagsolenna koma ngem ni metten Mark ti nabagkong.

Naitaray ti biktima iti Central Ilocos District Hospital sa naiyalis iti Gabriela Silang General Hospital para iti pannakaagasna.#