NARVACAN, Ilocos Sur – Mapapati a saan a maawat daytoy barito ti panangisina kenkuana ti nobiana ket kinettelna ti biagna.
Segun iti report, nasarakan ni Ricky Mamaclay, trabahador iti piggery farm a kukua ni Engineer John Haskel Calpito a masarakan sadiay Barangay San Pablo, a nagbekkel iti uneg ti kalapaw ni Ranny Sabalo y Divina, 16, barito, stay-in laborer met laeng iti nasao a piggery farm idi agsapa ti Septiembre 9.
Segun iti inbestigasion, kadua ni Sabalo da Mamaclay, Jayson Sabalo, Mark Anthony Sabalo ken Marlon Cabradilla a naggiinom iti uneg ti kalapaw idi rabii ti Septiembre 8 ngem pimmanawda kalpasan ti drinking spree.
Nagsubli ni Mamaclay iti kalapaw ngem mapapati a binallaagan ni Sabalo a di umasideg isu a pimmanaw met laeng gapu iti butengna.
Mapapati a nagsakit ti nakem ti biktima gapu iti panagsinada iti nobiana.#