Barito, nakabil iti pasala

SANTIAGO, Ilocos Sur.  Maysa nga barito ti nabugbog bayat ti pannakisalana iti Barangay San Jose iti daytoy nga ili.

Nagpulong iti polis ni Paul John Macabeo, 15, residente iti barangay Bulbulala a kinabil da James Lantino ken Virgilio Supnad, agpada a residente iti Barangay San Jose ditoy.

Naammuan a napan nakisal ti biktima ken maysa a kaduana iti nasao a barangay.

Bayat ti panagsalana, mapapati a nakursunadaan dagiti suspetsa ket inayabanda  sa kasaruno ti panangkabilda kenkuana. (Danny Antalan)