Barito, nalmes

NARVACAN, Ilocos Sur. Maysa a barito ti nalmes itay lawasna iti karayan a sakup ti Barangay Abuor daytoy nga ili.

Nainaganan ti biktima a ni Armando Cabigas, Jr.,12, residente iti nasao a barangay.

Iti inisial nga inbestigasion ti polis, timmapuak ti biktima iti rangtay tapno agdigos nga mapapati a naitupa ti ulona iti bato iti panagdissona iti danum.

Naitaray ti biktima iti ospital ngem indeklara ti doktor nga awanen ti biagna.#