Barito, nalmes iti karayan

NARVACAN, Ilocos Sur – Naireport a nalmes ti maysa a menor de edad bayat ti panagdidigosda iti karayan sadiay Barangay San Antonio ditoy nga ili idi malem ti Pebrero 28.

Nainaganan ti biktima a ni John Phillip Gandeza y RicaƱa, 15, out of school youth ken residente iti nadakamat a barangay.

Kas naammuan manipud iti police blotter, napan nagdidigos iti sirok ti rangtay da Gandeza ken dagiti gagayyemna a pakaibilangan da Lexter Fejeder y Mazarate, 14, Elvis Cabalo y Cabreros, 14, ken Mark Jerald Fagela y CaƱero, 11, residente amin iti Brgy Nanguneg, Narvacan, Ilocos Sur.

Segun kadagiti kakadua ni Gandesa, timmapuak ti biktima manipud iti rabaw ti rangtay ket sumagmamano a minutos kalpasanna, nakitadaĀ  nga agpapaarayat daytoy ngem iti panangipagarupda ket agang-angaw laeng.

Nagbalaw dagitoy idi saan a limmung-aw ni Gandeza ket sinawarda ngem saandan a nasapulan.

Maysa a Bobby Corpuz y Alfar, 28, ti nakaalaw ken ni Gandeza ngem naideklara nga awanen ti biagna idi maidanon iti Central Ilocos Sur District Hospital.#