Barito, natiliwan iti paltog

CANDON CITY – Maysa a barito ti natiliwan nga adda ikutna a paltog bayat ti pannanganna iti mami iti Barangay San Jose ditoy siudad.

Segun iti report, kalkalpas da Ryan (parbo a nagan), 17, residente iti San Vicente, Galimuyod, Ilocos Sur ken dua a kakaduana idi inruar ti barito ti paltogna a cal. 38 sana inay-ayam.

Nairana nga adda agpatpatrolia a polis ket dita a tiniliwda ti suspetsa.#