VIGAN CITY – Maysa a barito ti natiliwan idi rabii ti Hunio 7 nga adda ukodna a baka nga ituktukonna nga ilako iti Barangay Raois ditoy .
Inaresto dagiti barangay officials ti Raois ni Angel (parbo a nagan) kalpasan a naduktalan nga awan ti maipakitana a dokumento ti baka nga ukodna ken ilaklakona.
Iti panagpalutpot ti polis a residente ditoy, inannugot ti barito a tinakawna ti nasao a baka a nakawayway iti kataltalonan iti Bulag West, Bantay, Ilocos Sur.
Naipan iti police station ditoy ti suspetsa agraman ti baka.#
