Barko, naisadsad iti kabaybayan ti Pagudpud

PAGUDPUD, Ilocos Norte – Maysa a barko ti naisadsad iti kabaybayan a sakup ti Barangay Balaoi, ditoy nga ili idi Enero 1.

Segun iti report, tinalawan dagiti 22 a tripulante a pasig a Koreano ti MV-Namyang 8 idi agirig daytoy iti kabaybayan a paset ti Barangay Taggat, Claveria, Cagayan gapu iti saan a balanse a kargona a magnetite.

Naalaw dagiti tripulante iti kabaybayan ti Taggat Norte idi kabigatan ti baro a tawen.

Iti pannakaisurat daytoy, madama nga am-amirisen dagiti pannakabagi ti coastguard, Philippine Navy ken ti Bureau of Customs dagiti kargamento ti nasao a bariko.#