Baro a hepe ti LUPPO, nangrugi a nagtakem

SAN FERNANDO CITY – Nabara a sinarabo ti kapolisan ti La Union ti kabarbaro a hepeda, ni Senior Supt. Angelito Dumangeng a nangrugi a nagtakem itay Marso 13.

Iti immuna nga staff command conference nga inangayna a dinar-ayan amin a hepe ti polis iti probinsia, imbinsa ni Dumangeng dagiti planona a maipokus iti pannakapasayaat iti kappia ken talna ken iti kontra-kriminalidad.

Nagturpos ni Dumangeng iti PNPA idi 1989 ken dati a hepe iti regional operations and plans branch iti Region 1.

Sinuktanna ni Senior Supt. Ramon L. Rafael a nai-assigned iti anti-kidnapping section iti Camp Crame.#