BAGUIO CITY – Nagtugaw idi Agosto 19 ni Police Senior Supt. Agripino Javier a kas baro a hepe ti polis ditoy a siudad.
Naangay ti turn-over ceremony iti opisina ni Mayor Reinaldo Bautista, Jr.
Iti ababa a panagsaritana, kinuna ni Javier a pinilina ti agserbi iti Baguio ta makatulong daytoy iti panagdur-asna kas propesional.
Ni Police Senior Supt. Nestor Bergonia ti nagtakem nga OIC ti BCPO bayat ti kaawan ti mangsukat ken ni dati a Baguio City Director Wilfredo Franco nga addan iti United Nations Peace and Order Security Council.
Naammuan nga agsubli ni Bergonia iti dati a puestona iti Cordillera PNP.
Sakbay ti pannakadutokna a hepe ti polis ditoy siudad, nagpaay ni Javier a hepe ti intelligence dicision iti Region I.#